ઈન્ડિયન પ્રિમીયર લીગની 12મી મેચમાં કોલકાતા નાઈટ રાઈડર્સ સામે મુંબઈ ઈન્ડિયનનો ભવ્ય વિજય થયો છે. મુંબઈ ઈન્ડિયન્સે કોલકાતા નાઈટ રાઈડર્સને 8 વિકેટે હરાવીને સિઝનની પ્રથમ જીત નોંધાવી છે. પ્રથમ બેટિંગ કરતા કોલકાતાએ મુંબઈને 117 રનનો ટાર્ગેટ આપ્યો હતો.
જવાબમાં મુંબઈએ 12.5 ઓવરમાં 2 વિકેટ ગુમાવીને મેચ જીતી લીધી હતી. કોલકાતા તરફથી એ.રઘુવંશીએ સૌથી વધુ 26 રન, રમનદીપ સિંઘ 22 રન, મનિષ પાંડે 19 રન, રિંકુ સિંઘ 17 રન, જ્યારે કેપ્ટન અજિંક્ય રહાણેએ 11 રન બનાવ્યા હતા. કોલકાતાના બેટ્સમેનો મુંબઈના બોલરો સામે નબળા દેખાયા હતા.
મુંબઈ તરફથી બોલિંગમાં યુવા બોલર અશ્વિનીએ તરખાટ મચાવી 4 વિકેટ ઝડપી હતી. જ્યારે દિપક ચહરે બે વિકેટ અને ટ્રેન્ટ બોલ્ટે એક વિકેટ ઝડપી હતી. જ્યારે દિપક ચહરે બે વિકેટ અને ટ્રેન્ટ બોલ્ટે એક વિકેટ ઝડપી હતી. આ ઉપરાંત મુંબઈ તરફથી મુંબઈ તરફથી ઓપનિંગમાં આવેલ રોહિત શર્મા માત્ર 13 રન બનાવીને આઉટ થયો હતો. જ્યારે રિકેલ્ટને 41 બોલમાં ચાર ફોર અને પાંચ સિક્સ સાથે અણનમ 62 રન નોંધાવ્યા હતા. જ્યારે વિક જેક્સને 16 રન અને સૂર્યકુમાર યાદવે 9 બોલમાં ત્રણ ફોર અને બે સિક્સ સાથે અણનમ 27 રન નોંધાવી ટીમને જીત અપાવી હતી.
