આઈપીએલ 2025માં શુક્રવારે એટલે કે 4 એપ્રિલના રોજ લખનઉ સુપર જાયન્ટ્સ અને મુંબઈ ઈન્ડિયન્સ વચ્ચે મેચ રમાઈ હતી. જેમાં લખનઉની ટીમે મુંબઈ ઈન્ડિયન્સને રોમાંચક મેચમાં 12 રનથી હરાવ્યું હતું. મુંબઈ ઈન્ડિયન્સના કેપ્ટન હાર્દિક પંડ્યાએ લખનઉ સુપર જાયન્ટ્સ વિરૂદ્ધ ટોસ જીતીને પહેલા બોલિંગ કરવાનો નિર્ણય લીધો હતો. જેમાં લખનઉએ 20 ઓવરમાં 8 વિકેટના નુકસાન પર 203 રન બનાવ્યા હતા.
જેના જવાબમાં મુંબઈની ટીમ 20 ઓવરમાં 5 વિકેટના નુકસાન પર માત્ર 191 રન જ બનાવી શકી. લખનઉ તરફથી મિચેલ માર્શ અને માર્કરમે અડધી અડધી સદી ફટકારી હતી. જ્યારે બદૌની અને ડેવીડ મિલરે મહત્વનું યોગદાન આપી ટીમનો સ્કોર 203 રન સુધી પહોંચાડ્યો હતો. મુંબઈ તરફથી હાર્દિક પંડ્યાએ શાનદાર બોલિંગ કરી 5 વિકેટ ઝડપી હતી. જવાબમાં મુંબઈએ સૂર્યકુમાર યાદવની શાનદાર ઇનિંગ છતાં 20 ઓવરમાં 191 રન જ બનાવી શકી હતીસૂર્યકુમાર યાદવે 43 બોલમાં 67 રન બનાવ્યા હતા, પરંતુ તે મુંબઈને જીત અપાવી શક્યો નહોતો.
