સમગ્ર ગુજરાતમાં ડીજીવીસીએલ ના સ્માર્ટ મીટર ને લઈ વિરોધ વંટોળ વચ્ચે અંકલેશ્વર ના એક સામાન્ય ઘરને સૌપ્રથમ બિલ ₹ 6,29,700 નું આવતા જ પરિવાર માં ચોકી ઉઠું છે. અંક્લેશ્વર શહેર નાં સી માસ્ટર કમ્પાઉન્ડમાં રહેતા પટેલ ઝુલેખા મોહમ્મદ નામનું દક્ષિણ ગુજરાત વીજ નિગમ નિમિતિ સ્માર્ટ મીટર બેસાડવામાં આવ્યું હતું ગત રોજ રાત્રી દરમિયાન દક્ષિણ ગુજરાત વીજ નિગમ લિમિટેડ વિભાગ નો એક બિલ મેસેજ મોબાઈલ પર આવ્યો હતો હતો. જેમાં બિલ રકમ 6,29,704 રૂપિયાનું આવતા જ તેમના હોશ ઉડી ગયા હતા. અને બિલ રકમ વાંચી ને જ તેઓ આખી રાત સુતા ના હતા.
સવારે દક્ષિણ ગુજરાત વીજ નિગમ લિમિટેડ ની નવી કચેરી ખાતે પહોંચી રજૂઆત કરતા બેઠેલી મહિલા અધિકારી દ્વારા માં એવું જણાવવામાં આવ્યું કે આ સિસ્ટમ નું બિલ બનાવવામાં આવ્યું હોઈ શકે છે. તેઓ એ સાંભળી પગ તળે જમીન સરકી ગઈ હતી. જો કે તેઓ બિલ હજુ સુધી ફિઝિકલ મળ્યું નથી. ત્યારે આ અંગે વીજ નિગમ કચેરી ના અધિકારી નો સંપર્ક કરતા તેઓએ જણાવ્યું હતું કે સિસ્ટમ એરર ને લઇ આ બિલ જનરેટ થયા નો મેસેજ ગયો હોઈ શકે છે.
આ બાબતે ટેકનિકલ એરર કે કઈ અન્ય હોઈ શકે છે. જેની તપાસ કરવામાં આવશે. તેમજ હજુ સુધી તેમને ફિઝિકલ બિલ આપવામાં આવ્યું નથી. ફિઝિકલ બિલ જ હાલ વેલીડ છે. ત્યારે ટેક્નિકલ કે સિસ્ટમ એરર અંગે ટેક્નિકલ ટીમ દ્વારા તપાસ કરવામાં આવશે. અત્રે ઉલેખનીય છે કે સમગ્ર ગુજરાતમાં સ્માર્ટ મીટર નો વિરોધ જોવા મળેલો હોય જે સંદર્ભમાં વધુ એક આવો બિલ આવતા લોકોમાં ગભરાટ ફેલાઈ જવા પામ્યો છે. સ્માર્ટ મીટર ને લઇ વિભાગ પર માછલાં ધોવાય છે આવી ગંભીર ભૂલના કારણે માનવીય જીવન પર ગંભીર અસર પહોંચી શકે છે
