અમેરિકામાં વધુ એક વિમાન દુર્ઘટનાગ્રસ્ત થયું હતું. આ ઘટના ટેનેસી પ્રાંતના તુલ્લાહોમાં બીચક્રાફ્ટ મ્યુઝિયમ પાસે બની હતી. જ્યાં શહેરના બીચ ક્રાફટ સંગ્રહાલય પાસે હાઇવે થી થોડે દૂર એક વિમાન તૂટી પડયું હતું. પરંતુ વિમાનમાં સવાર તમામ 20 યાત્રિઓનો ચમત્કારિક બચાવ થયો હતો. વિમાનમાં સવાર મુસાફરોમાં કેટલાકને ઈજાઓ પહોંચી હતી, જોકે કોઈ જાનહાનિ થઈ નથી. આ વિમાનમાં ખરાબી જણાતા પાયલોટે તેને ઓલ્ડ શેલ્બી રોડ પર ઉતાર્યું કારણ કે બીજો ઉપાય જ ન હતો. પરંતુ તે માર્ગ જૂનો હતો, વપરાશ પણ બહુ થતો ન હતો. તેથી આંચકા ખાઈ વિમાન રોડ પર જ તૂટી પડયું હતું.
