આયુષ્માન ખુરાના સૂરજ બડજાત્યાની ફિલ્મ માટે નવેમ્બર મહિનામાં શૂટિંગ કરવાનો છે. ફિલ્મમાં તેની અને શર્વરી વાઘની જોડી જોવા મળશે. આ એક રોમાન્ટિક કોમેડી હશે. ત્યારે આયુષ્માન ખુરાનાના હાથમાં નવી એક ફિલ્મ પણ લાગી છે જે એક કોમેડી ફિલ્મ હશે. ટી સીરિઝના ભૂષણ કુમાર આ ફિલ્મ બનાવી રહ્યા છે. ફિલ્મનું ટાઈટલ હજુ નક્કી નથી. ફિલ્મની અન્ય કાસ્ટ હવે પછી નક્કી થશે. ફિલ્મનું શૂટિંગ આગામી સપ્ટેમ્બરમાં શરુ કરી દેવાય તેવી ધારણા છે. સમગ્ર શૂટિંગ એક જ શિડયૂલમાં આટોપી દેવાનું આયોજન છે. આપને જણાવી દઈએ કે, આયુષ્માન આ પહેલા પણ કોમેડી ફિલ્મોમાં કામ કરી ચૂક્યો છે, જેમાં ડ્રિમ ગર્લ, ડ્રિમ ગર્લ-2, બધાઈ-હો, બાલાનો સમાવેશ થાય છે.
