ભારત સહિત વિશ્વના વિવિધ દેશોમાં વસતા ભારતીયો હાલ દિવાળીની ઉજવણી કરી રહ્યા છે. ત્યારે યુનાઈટેડ આરબ અમીરાતમાં પણ વસેલા ભારતીયો દ્વારા દિવાળી પર્વની ઉજવણી ખાસ રીતે મનાવવામાં આવી હતી.
ઇસ્લામિક દેશ યુનાઈટેડ આરબ અમીરાતમાં બનેલા સૌ પ્રથમ હિન્દુ શિખરબદ્ધ મંદિરમાં દિવાળી અને નવા વર્ષી ઉજવણી કરવામાં આવી હતી. હિન્દુઓના નવા વર્ષને ધ્યાનમાં રાખી અબુધાબી સ્થિત BAPS સ્વામિનારાયણ હિન્દુ મંદિરમાં ભવ્ય દીપોત્સવ યોજાયો હતો. તેમજ મંદિરને રંગોળી અને રંગબેરંગી લાઈટોથી શણગારવામાં આવ્યું હતું.
અલગ અલગ સાત શિખરો નીચે કરાયેલી શિવ પરિવાર, રામ પંચાયતન, વ્યંકટેશ-પદ્માવાતી, રાધા-કૃષ્ણ, ઐયપ્પાસ્વામી અને અક્ષરપુરુષોત્તમ મહારાજની મહારાજની મૂર્તિઓને વિશેષ શણગાર કરવામાં આવ્યા હતા. દિવાળી નિમિત્તે મંદિરમાં ચોપડા પૂજનનું પણ આયોજન કરવામાં આવ્યું હતુ. મંદિરે મોટી સંખ્યામાં ભાવિકોએ ચોપડા પૂજન અને મહાપૂજાનો લાભ લીધો હતો. યુનાઇટેડ આરબ અમીરાત સહિત અન્ય અખાતી દેશોમાંથી ભારતીય મુળના લોકો દિવાળીનાં પર્વ માટે ખાસ અબુ ધાબીની મુલાકાતે આવ્યા હતા.
