મુંબઈ ઈન્ડિયન્સે જયપુરમાં રમાયેલી મેચમાં રાજસ્થાન રોયલ્સને 100 રનના વિશાળ અંતરથી હરાવીને શાનદાર જીત મેળવી છે. આ જીત સાથે મુંબઈ 11 મેચમાં સાત જીત સાથે પોઈન્ટ ટેબલમાં ટોચના સ્થાને પહોંચી ગયુ છે. આ મેચમાં મુંબઈ ઈન્ડિયન્સ તરફથી બોલરો અને બેટ્સમેનોએ શાનદાર પ્રદર્શન કર્યું. રાજસ્થાન રોયલ્સ માટે, કેપ્ટન રિયાન પરાગે ટોસ જીતીને પહેલા બોલિંગ કરવાનો નિર્ણય લીધો, જે ખોટો સાબિત થયો હતો. પ્રથમ બેટિંગ કરતા મુંબઈએ 217 રન બનાવ્યા હતા. રોહિત શર્મા અને રાયન રિકેલ્ટન ટીમ માટે સૌથી મોટા હીરો સાબિત થયા હતા. બંને બેટ્સમેનોએ અડધી સદી ફટકારી હતી. જેના જવાબમાં રાજસ્થાનની ટીમ 16.1 ઓવરમાં માત્ર 117 રનમાં ઓલઆઉટ થઈ ગઈ હતી.
